XXI asrda muvozanat

Bu kitob o'zlikni anglash, botindagi muvozanatni yo'lga qo'ya olish kabi ma'naviy ehtiyojni to'ldirishga ko'mak maqsadida bitilgan. Inson zoti borki, baxtga erishmoqchi ekan, o'zining kimligi-yu, nimalarga qodirligi haqida bot-bot tafakkur qilgani ma'qul. O'ylasagina o'z ruhiy muvozanatidan tortib butun zamon muvozanati qadar tahlil tajribasini shakllantira oladi. Baxt tushunchasi sari yaqinlashtiradi. O'z maqsadi yo'lida muvaffaqiyatga erishganlar hayoti misolida bahs yuritilgan ushbu kitob sizni suhbatga tortadi. "Suhbat" davomida o'zingizda bardosh topish ham, aslida sizning ruhiy muvozanatingizni ko'rsatadi, aziz o'quvchi. Maqsadimiz - sizni yana ham kengroq tafakkurga undash. Xulosa esa sizdan. Kitobni o'qishni boshlarkansiz, ishoning, uning yosh, jins, kasb, toifa, daraja tanlamasligiga amin bo'lasiz. Maroqli mutolaa tilaymiz, zamondoshim, anglashdan charchamang. Darvoqe, Mark H.Lou - muvozanat bo'yicha maslahatchi. Avstraliyaning Sidney shahrida istiqomat qiladi.