Matematikadan 3000 ta yangi misollar (1 dan 10 gacha hisoblash 1-sinf)

Qo'llanmada matematikadan 3000 ta misol keltirilgan. Mavzu "O'nlik son" bo'lib, 1- sinflarda o'rganiladigan asosiy mavzulardan biri hisoblanadi. Boshqa mavzular kabi, ushbu mavzuni ham diqqat bilan tushunish va mustahkamlash zarur. Har bir sahifada har birida 27 ta misol bo'lgan 7 ta ustun berilgan. Amaliyotda ma'lum bo'lganidek, agar o'quvchi misolni yechib, 4-7 soniyada javobini yozsa, demak, u mavzuni to'la o'zlashtirgan hisoblanadi. Ushbu holatda ko'nikma hosil qilingan, deb aytish mumkin. O'qituvchi bunday katta miqdordagi misollarni tekshirib ulgurishi qiyin, shu bois, yaxshisi, har bir ustundagi misollarni yechishga ketgan vaqtni uyda kattalar belgilab borgani ma'qul. Eng yaxshi natijalarga erishish uchun har kuni bir sahifadan misollarni yechish lozim. Qo'llanmadan matematika darslarida qo'shimcha material, shuningdek, uyga vazifa sifatida foydalanish mumkin