Dafnalar kesildi

Dramaturg va simvolist shoir Eduard Dyujardinning “Dafnalar kesildi” romani ong oqimi uslubida yozilgan ilk romanlardan. Albatta, ungacha qahramonning o'y-fikrlari tiyiqsiz keltirilgan boshqa asarlar ham bor, masalan o'zbek kitobxoniga yaxshi tanish bo'lgan Tolstoy va Dostoyevskiy romanlarida ham bunday o'rinlar mavjud. Ammo ular qahramonning kimligini ochish — yozuvchi istagini amalga oshirish uchungina xizmat qiladi. Asar Daniyel Prinsning kechki oltidan yarim tungacha bo'lgan hayotini ikir-chikirlarigacha o'z ichiga oladi: uning Lea d'Arse qo'lida o'yinchoq bo'lgan muhabbati, his-hayajonlari, xavotiri, istaklari, qorong'i — odamlardan berkitgan, odamlarga ko'rsatgan tomonlari tasvirlanadi.