At-Tibyon. Hofizi Qur'on odoblari

Bizni Qur'oni Karim bilan sharaflantirgan va uning soyasida bizni sharafli ummat qilgan Haq taologa hamdu sanolar bo'lsin. Bu sharafni bizga yetkazgan, shu bilan birga, bu diyordagi vazifalarimizni o'rgatgan Sarvari koinot Muhammad Mustafoga salavot va salomlari-miz bo'lsin. Olamlar Robbi Alloh taolo Qur'oni Karimni madh aylab shunday degan: «Alloh eng go'zal So'zni (oyatlari fasohat va balog'atda) bir-biriga o'xshash (mujassam), (ichidagi hukmlari) takror-takror keluvchi bir kitob Qur'onni nozil qildiki, Parvardigoridan qo'rqadigan zotlarning terilari (undagi azob oyatlari tilovat qilinganida) titrab ketar, so'ngra badanlari ham, qalblari ham Allohning zikriga yumshab ketar».