Do'zaxdan chiqqan mushuk

Hozirgi zamon xorij adabiyotining eng yirik vakillaridan biri, sermaxsul adib Stiven King nomi muxlislarga yaxshi tanish. Uning asarlari, o'zbek tiliga juda kam o'girilgan bo'lsa-da, ular asosida suratga olingan ko'plab filmlar tomoshabinlar e'tiborini qozonib ulgurgan. Birgina «Shoushenkdan qochish» va «Yashil milya» filmlarini eslash kifoya. Ushbu to'plamda Stiven King qalamiga mansub bo'lgan bir qissa va ikki hikoya jamlangan. Tarjimon Abdunabi Hamro yozuvchi asarlaridagi ruhiy holatlar, qahramonlar boshiga tushgan ko'rguliklarni o'zbek tilida qay darajada bera olganini esa, kitobni o'qib chiqqach, bilib olasiz.