Gonkongdan kelgan tobut

Dunyo miqyosida mashhur hisoblangan ushbu asar o'tkir syujetga, turfa sarguzashtlarga boyligi bilan o'ziga xosdir. Unda tinib-tinchimas izquvar Nelson Rayanning sirli qotillik tafsiloti bilan bog'liq voqealarga o'ralashib qolishi, buning natijasida kutilmagan dahmazalarga duchor bo'lishi, Gonkongdek ulkan shaharda surishtiruv olib borishi, razil va manfur kimsalarga qarshi kurashi aks etadi. Rayan haqiqatning tubiga yetish uchun o'z hayotini xatarga qo'yadi, bir necha bor o'limga chap beradi. Xo'sh, mohir izquvar niyatiga yetadimi? Gonkongdan kelgan tobut tilsimi ochilarmikan? Kitob detektiv ishqibozlariga, keng o'quvchilar ommasiga mo'ljallangan.