Sokin daryo mavjlari

O'zbekiston yozuvchilar uyushmasi a'zosi, taniqli jurnalist Husan Ermatovning ushbu to'plami muallif tomonidan keyingi yillarda yozilgan bir qator publisistik maqolalar, manaviy-marifiy mavzudagi suhbat, esse va qatralardan iborat. Mazkur to'plamda shiddatli axborot zamonida matbuotning qanday nafas olayotgani, qaysi jihatlar soha rivojiga to'siq bo'layotgani, umuman, matbuotga munosabat hamda matbuot sohasidagi mutasaddi va rahbarlarning oldida turgan vazifalar haqida mulohazalar bayon etilgan. Shubhasiz, ushbu yo'nalishdagi har bir maqolada ilgari surilayotgan fikrlar matbuotning bugungi sinovli davrda yashab ketishi, kelajagini qanday ko'rishi bilan bog'liq bo'lgan jiddiy masalalarga bag'ishlagani bilan muhim ahamiyat kasb etadi.