Fitrat

Atoqli ma'rifatparvar, qomusiy olim Abdurauf Fitrat milliy tariximizdagi eng yorqin siymolardan biridir. Bu ulug' zot XX asr avvalida jamiyat hayotida yuz bergan muhim o'zgarishlarda g'oyaviy ustoz vazifasini bajargan bo'lsa-da, uning ibratli hayoti va faoliyati haqida haligacha yirik badiiy asar mavjud emas edi. O'quvchi mutolaa asnosida “boyligi o'ziga buyurmagan xalq” fojiasining tub sabablari haqida o'yga toladi. Asli jur'at, g'ayrat va shiddatga zamin yaratishi lozim bo'lgan “Yaratganga tavakkal” g'oyasini turkistonliklar sustligi, tanballigi, ishbilmasligi, nodonligi uchun bamisoli “qalqon”ga aylantirib olganiga, Fitrat va salaflarining ilk qadamlardanoq soyasiga aylangan, sodiq do'st qiyofasidagi manfur kimsalar oxirgi damlarda ham o'lmay yashayotganiga amin bo'ladi..