Ustodi avval

«Ustodi avval» 1328-hijriy (1909-milodiy) yilda toshkentlik Mulla Sayyid Rasulxo'ja domla Sayyid Azizxo'ja Maxdum muftiy o'g'li tomonidan ta'lif etilgan va toshbosma yo'li bilan nashr etilgan edi. Kitobcha saboqlarning izchil bir tartibda bayon qilinganligi, qoidaga mos misollarning mo'lligi, soddadan murakkabga tomon yo'nalishi, jumlalar va hikoyatlarning katta ta'limiy ahamiyatga ega ekanligi jihatdan boshga alifbolardan ajralib turadi. Biroq oradan bir asr vaqt o'tib, kitobchaning mazmuni tabiiy bir tarzda eskirib qolgan. O'quvchini o'tmish hayoti va ta'lim tartiboti bilan yaqindan tanishtirish maqsadini nazarda tutib biz tushirib qoldirish lozim bo'lgan so'z, jumla yoki hikoyatlarning juda oz qisminigina tushirib qoldirdik. Kitobga jiddiyroq o'zgarish kiritishga jur'at qilmadik.