Professor O'rdakburun

Ushbu kitob qiziquvchan hamda ajabtovur tajribalar o'tkazishdan charchamaydigan Professor O'rdakburun haqida hikoya qiladi. Tumshug'i o'rdaknikiga, dumi esa qunduznikiga o'xshash ushbu sutemizuvchi ham quruqlikda, ham suvda harakatlana oladi. Vatani Sharqiy Avstraliya va Tasmaniya hududlari sanalgan bu jonzotning vazni 1,5–2 kilogramm atrofida bo'lib, u tuxum qo'yib ko'payadi va go'sht yeydi. Ilmiy izlanishlar, g'aroyib savollar berish hamda qiziqarli sinovlar uning jon-u dilidir.