Qurtubaning oltin asri

Tunda qo'llarida faqat mash'ala bilan ko'chalarga qo'rqa-pisa chiqqan parijliklar, venaliklar, rimliklardan farqli o'laroq, Qurtuba xalqi kechasi ham yorug' ko'chalarda bexavotir aylanishi mumkin edi. Yevropa hali tozalik nimaligini bilmagan bir paytda Qurtubada sakkiz yuzta hammom bor edi. Toza ichimlik suvi quvurlari uylarning ichigacha kirib borgandi. Yevropada faqatgina qirollar saroyida yetmish-sakson dona atrofida kitob bo'lgan o'sha davrda xalifa Hakam II kutubxonasida naq to'rt yuz ming jild kitob bor edi. Bag'dodda yozilgan kitob sakkiz-o'n oy ichida Qurtuba kutubxonalaridan joy olardi.