Mavlidi sharif

"Mavlid kitobi" Payg'ambarimiz Muhammad alayhissalomning dunyoga kelishlari, u zotning muborak hayot yo'llari, go'zal xulqlari va shamoyillariga bag'ishlangan an'anaviy manbadir. Unda Sarvari koinotning tavallud topishi bilan bog'liq voqealar, u zotga aytilgan salovatu durudlar hamda madhiyalarga keng o'rin berilgan. Ushbu asar o'quvchiga Nabiy alayhissalomga bo'lgan muhabbatni kuchaytirishga, u zotning sunnatlari va axloqiy fazilatlarini anglashga yordam beradi. Mavlid marosimlarida o'qiladigan hamda ajdodlarimizdan meros bo'lib kelayotgan salovat va duolarni o'rganishda manba bo'lib xizmat qiladi.