Ishqning suvrati: Hazrati Oisha roziyallohu anho

Turk yozuvchisi Nurdan Damlaning ushbu asari mo'minlar onasi Oisha roziyallohu anhoning hayot yo'liga bag'ishlangan. Asarda Payg'ambarimiz sollallohu alayhi vasallamning suyukli ayoli, islom olamidagi yetuk olimaning bolaligi, oilaviy hayoti va din yo'lidagi xizmatlari badiiy tilda yoritiladi. Kitob orqali o'quvchi Oisha onamizning nafaqat vafodor umr yo'ldosh, balki minglab hadislar rivoyat qilgan faqiha sifatidagi qiyofasini taniydi. Qissa islom tarixining ilk davrlaridagi oilaviy munosabatlar, ayolning jamiyatdagi o'rni va ilmga bo'lgan muhabbatini o'rganishni istaganlar uchun manba bo'lib xizmat qiladi.