She'rlari o'ziga o'xshagan shoir

She'r - ko'ngil mulki. Qiyomiga yetgan kuyma satrlar bir ko'ngilda tug'ilib, ming ko'ngilga yo'l oladi, ma'naviy mulkka aylanadi. Unda shoirning nozik his-tuyg'ulari, qalb iztiroblari, orzu-umidlari, dard-armonlari o'z mujassamini topadi. Shu bois ham har bir she'rda, eng avvalo, shoirning o'zini, ichki dunyosini ko'rish mumkin. Shoirni tanish uchun uning she'rini uqish kerak. Azim Suyun o'ziga, qalbida yetilib, qalamidan she'rlariga juda-juda o'xshar edi. She'rlari kabi hissiyotli, hayqiriqli, shiddati tog' daryosiday ammo serjilo ijodkor edi. Ushbu bitiklarni o'qib, bunga siz ham amin bo'lasiz.