Orazin yopqach ko'zumdin

Alisher Navoiy mumtoz she'riyatimizning deyarli barcha janrlarida barakali ijod qilgan. O'z asarlarida umumbashariy g'oyalarni hayotning mazmuni, insonning taqdiri, pok axloq va samimiy muhabbat, chinakam do'stlik, vatanparvarlik tuyg'ularini go'zal ifodalagan. Shu bois Navoiy asarlari har qanday davr uchun, har bir avlod uchun o'z ahamiyatini yo'qotmasdan keladi. O'zbek adabiy tilining bor go'zalligi, nafosati, badiiyati, sehrini ham biz aynan Alisher Navoiy ijodiy merosini o'rganish orqali anglaymiz, his etamiz. Aziz kitobxon! E'tiboringizga havola etilayotgan mazkur to'plamga ham barchangiz bilgan, barchangiz sevgan, barchangizga yod bo'lib ulgurgan Navoiy ijod gulshanining eng sara namunalarini jamladik, ayrim so'zlarning izohini ham keltirdik. Umid qilamizki, kitob mutolaasidan o'zgacha bir zavq tuyasiz, Navoiyning ruhiy olami bilan qayta yuzlashasiz.