Voz kechilmas ayol bo'lish

Voz kechilmas ayolning munosabatlari doimo oqilonalikka asoslanadi va bunday munosabatlar doirasida rostgo'y va samimiy bo'ladi. Iltifotlidir, bo'lib o'tganlarni egmay, bukmay boricha so'zlaydi. O'rganishga va o'zini rivojlantirishga qarshi emasligi, aksincha buni bajonidil qabul qila olish tabiati tufayli qarshisidagi odamni diqqat bilan tinglaydi. Ha, mana shu sabablar tufayli voz kechilmas ayollar o'zaro munosabatlarda doimo muvaffaqiyatga erishadi. Voz kechilmas ayol o'zidagi jamiki kuch-quvvatini, energiyani va salohiyatni o'z maqsadiga erishish yo'lida boshqalardan olmaydi, balki o'z iste'dodidan foydalanishdan, o'z qoida va mezonlarini qat'iy himoyalashidan, maqsadlariga erishish yo'lidagi qat'iyatidan oladi. Atrofidagi insonlardan ko'rgan hurmat-e'tiboriga esa o'ziga xos ayol ekanligi, o'zining kim ekanligini, o'zini qanday tutish kerakligini aniq-ravshan bilishi, gapirganda odamlarni o'ziga maftun etuvchi ovozi va muammolarga tezda yechim topadigan amaliy aql-zakovati orqali erishadi. Voz kechilmas ayolning ko'zga ko'ringan, eng ajoyib fazilatlardan biri shuki, u nafaqat nima istayotganini biladi, balki o'z istagiga erishish uchun kuch, salohiyat va aqliy qobiliyatga ham egadir. Tarjimonlar: Muqaddas Abduvosilova, Ergashboy Matyoqubov