Allohning elchisi Muhammad sollallohu alayhi vasallam

Qo'lingizdagi ushbu kitob Muhammad sollallohu alayhi vasallamning hayotlarini dunyoga zamonaviy uslubda tanishtiradi. Qo'llanma o'z o'quvchilariga Islom axloqiy asoslarini va u zot sollallohu alayhi vasallamning hayotlarini suratlar bilan boyitilgan va birlamchi ma'lumotlar bilan cheklangan holda namoyon qilib beradi. Kitob 12 qismdan iborat. Har bir qism alohida mavzuga bag'ishlangan. Mavzular suratli taqdimot uslubida yoritib berilgan. Kitob muallifi doktor Hussam Toglou (Hussam Toglaw) marketing va tadbirkorlik ma'ruzachisi bo'lib, u Sidney texnologiya universitetida biznesni boshqarish yo'nalishi bo'yicha doktorlik unvoniga ega. Shu bilan birga, u erkin Islom tadqiqotchisi ham hisoblanadi. Xussam Toglou ilmiy faoliyatidan tashqari so'nggi 20 yil ichida dinlararo muloqotlar bilan shug'ullanib keldi. Uning tarixiy ziyoratgoh joylarida orttirgan tajribasi qo'lingizdagi kitobning yozilishiga sabab bo'lgan. Bu kitob qaysidir ma'noda tarixiy masjidlar va noyob islom me'morchiligiga ega davlatlarga tashrif buyuruvchilar uchun sayyohlik qo'llanmasi vazifasini ham o'taydi. Ushbu kitob dunyodagi arab, ingliz, nemis, rus, ispan, italyan, xitoy, yapon, turk tili kabi 29 ta tilga tarjima qilingan. Kitobning asli ingliz tilida yozilganligi sababli o'zbek tiliga tarjima uchun kitobning aynan ingliz tilidagi nusxasi asos qilib olindi. Tarjimon: Hasanov Mirnosir Mirqobil o'g'li Muqova va kitob dizayneri: Teylor va Toglou (Taylor va Toglaw)