Ilmga ilk qadam

Bolalar nutqini rivojlantirishda bolalarni savodxonlikka o'rgatish alohida o'rin tutadi. Olimlarning tadqiqotlariga ko'ra, savodxonlik mashg'ulotlarini maktabgacha ta'lim muassasalarining katta (tayyorlov) guruhidan boshlash eng maqbul vaqt bo'lib ona tilini muvaffaqiyatli o'zlashtirishning poydevori hisoblanadi. "Ilmga ilk qadam" o'quv qo'llanmasi O'zbekiston Respublikasi Vazirlar Mahkamasining 08.12.2018 yil "Bolalarni boshlang'ich ta'limga majburiy bir yillik tayyorlash" qaroriga binoan tashkil qilingan mobil guruhlari, maktabgacha ta'lim va tarbiya muassasalarining katta (tayyorlov) guruhlari va ota- onalar uchun mo'ljallangan. Savodga o'rgatish qo'llanmasining mazmuni bolalarni tovushning grafik tasviri - harf bilan tanishtirish, o'qishga, yozishga o'rgatish, og'zaki nutq hamda aqliy faollikni rivojlantirish, lug'atni boyitish, so'zni analiz va sintez qilish malakalarini shakllantirish.