Oydin tunlar

Rus va jahon adabiyotiga katta ta'sir ko'rsatgan adib Fyodor Dostoyevskiy to'laqonli badiiy obrazlarda nafaqat voqealar oqimi va insonlar taqdirini, balki jamiyat ma'naviy hayotidagi fojiaviy konfliktlarni ham bera olgan nodir iste'dod sohibidir. O'zining roman va qissalarida fikrlarning keskin kurashini, g'oya va dunyoqarashning to'qnashuvini mahorat bilan tasvirlagan. Uning asarlari vazmin tasvir uslubi emas, akcincha, sof dramatik janrlarga xos keskinligi bilan ajralib turadi. Ushbu kitobga kiritilgan dastlabki ikki asarda adib insonning ruhiy holatini haqqoniy tasvirlaydiki, shunga ko'ra muallifni RUHIYAT RASSOMI deb atasak, hech mubolag'a qilmagan bo'lamiz. Kitob so'ngida berilgan maktublarda esa yozuvchining ijod laboratoriyasidan bevosita boxabar bo'lish mumkin!