Bahor qaytmaydi

O'zbekiston Xalq yozuvchisi O'tkir Hoshimov mustaqil Vatanimizning adabiyoti va ma'naviy xazinasiga salmoqli hissa qo'shgan ijodkordir. Qariyb ellik yil davomida turli tillarda ikki yarim millionga yaqin nusxada chop etilgan yetmishdan ortiq kitobi adibni xalqimizning ardoqli farzandiga aylantirdi. Yozuvchining “Muhabbat”, “Dehqonning bir kuni”, “Urushning so'nggi qurboni”, “O'zbek ishi” kabi novellalari o'zbek hikoyachiligida muhim hodisa bo'ldi. Ilk romani “Nur borki, soya bor” (1976) da yozuvchi o'ziga zamondosh-tengdosh jurnalist Sherzodning kechinmalari orqali hayajonli ma'naviy – axloqiy masalalar bilan birga o'tkir ijtimoiy muammolarni ko'targan.”Ikki eshik orasi “(1986), “Tushda kechgan umrlar” (1994 ) romanlarida O'. Hoshimov zamondosh – asrdosh odamlar taqdirini 20-asrning eng keskin fojiaviy hodisalari 2-jahon urushi hamda mustabid tuzumning jinoyatkorona siyosati oqibatlari bilan bog'liq holda tahlil va talqin etish yo'lidan borgan. Bahor qaytmaydi” (1970), “Dunyoning ishlari”(1982) qissalari yozuvchiga shuhrat keltirgan.