Tajriba va eksperimentlar

Mazkur "Tajriba va eksperimentlar" nomli metodik qo'llanma bolalarni tabiat bilan tanishtirishda maktabgacha ta'lim yo'nalishi talabalari va davlat maktabgacha ta'lim tashkiloti tarbiyachilari uchun tayyorlangan bo'lib, maktabgacha ta'lim yoshidagi bolalarga jonli va jonsiz tabiat obyektlarining xususiyatlarini tajriba va eksperimentlar yordamida o'rgatishga mo'ljallangan. Metodik qo'llanmada bolalarning eksperimental-tadqiqot faoliyatini rivojlantirish uchun eng qiziqarli tajribalar va eksperimentlar joy olgan. Ushbu tajribalar hech qanday maxsus vositalarni talab qilmaydi, ularni har doim o'zimizda bo'lgan oddiy buyimlar yordamida amalga oshirish mumkin. Metodik qo'llanmadagi tajriba va eksperimentlardan foydalanib amaliyotda bajarish bolalarda kuzatuvchanlik, harakatchanlik, izlanuvchanlik, ijodkorlik, tadqiqotchilik, mustaqillik, qiziquvchanlikni rivojlantiradi. Kitobdagi mavzular ketma-ketligi "Ilk qadam" davlat o'quv dasturidagi mavzularga mos ravishda yaratilgan va har bir guruhda o'tkaziladigan tajriba va eksperimentlar o'rin olgan. Metodik qo'llanma maktabgacha ta'lim yo'nalishi talabalari maktabgacha ta'lim tashkilotlari tarbiyachilari uchun mo'ljallangan.