Psixolog kitobi

"Psixolog kitobi" maktabgacha ta'lim tashkilotlari psixologlarining yillik ish rejasidagi vazifalarni bajarishda zarur bo'ladigan metodikalarni o'z ichiga qamrab olgan amaliy qo'llanma. Psixolog - bolalar, ularning ota-onalari hamda tashkilot xodimlari uchun kerak li mutaxassis. Psixolog bolalar bilan ishlar ekan, ota-onalar bundan xavotirlanmasliklari kerak, chunki u shifokor emas, tashxis qo'ymaydi. Pedagog-psixologning vazifasi butunlay boshqa. MTT psixologi quyidagi vazifalarni bajaradi: Bola bilan ishlash. Psixolog birinchi o'rinda bolaning xarakteri, uning ruhiyati, qo'rquvlarini o'rganadi. Farzandingizning bolalar bog'chasiga moslashishi, tengdoshlari bilan muloqotga kirishib ketishidagi muammolarni hal qilishga yordam beradi. Bolaning ota-onasi bilan ishlash. Psixolog ota-onalar bilan ishlashda bir necha usullardan foydalanadi. Bolaning bog'chaga kelgandagi holatini tushunib, ota-onaga farzandi bilan qanday munosabatda bo'lish kerakligi haqida tavsiyalar beradi. MTT xodimlari bilan ishlash. Tarbiyachining tashkilotdagi ishi oddiy, katta mehnat talab qilmaydiganday ko'rinadi. Ammo bu noto'g'ri. Psixolog bog'chada pedagogning yordami bilan ish yuritadi. Pedagog hamda psixolog o'zaro maslahatlashgan holda boladagi muammolarni hal qilishadi. Pedagog guruhdagi har bir bola bilan til topishishi, jajji yurakchasiga kirishi, unga do'st, o'rtoq bo'lishi kerak.