Oqqush, cho'rtanbaliq va qisqichbaqa

Ivan Krilov nomi nafaqat rus adabiyotida, balki butun jahon adabiyotida masalchilikning zabardast vakili sifatida e'tirof etiladi. Maktab darsliklaridanoq o'quvchilarga yaxshi tanish bo'lgan «Bo'ri bilan Qo'zichoq», «Tulki bilan Bo'ri», «Tulki va uzum», «Oqqush, Cho'rtanbaliq va Qisqichbaqa» kabi mashhur masallari yillar o'tsada, o'z qiymatini yo'qotmay, tildan tilga ko'chib kelmoqda. Krilov masallarida qahramonlar, asosan, hayvonlar, qushlar va o'rmon jonivorlaridir. Jonzotlar o'rtasidagi holatlarni qalamga olar ekan, ularni oynaga solib, aksida insonlarda uchraydigan qusur va kamchiliklar, bilib-bilmay yo'l qo'yadigan xatolar, hatto jamiyatda uchraydigan nohaqliklarni ko'rsatadi. Kitob o'quvchilarni sergaklikka va ogohlikka o'rgatadi, degan umiddamiz.