Sarmoyador

“Sarmoyador” — amerikalik yozuvchi Teodor Drayzerning eng mashhur romanlaridan biri. Adibning “Istak trilogiyasi” dan joy olgan ushbu asari 1912-yilda nashr etilgan. Unga amerikalik temir yo'l korchaloni, millioner Charlz Yerksning hayot yo'li asos qilib olingan. Kitobda konkret inson misolida tadbirkor qanday fikrlashi, xayolidan qanday o'ylar kechishi, muammolarga qanday yechim topishi tasvirlangan. Bu asar chinakam tadbirkor xarakteriga berilgan chizgidir. “Sarmoyador” kitobi bankirning o'g'li Frenk Koupervud haqida hikoya qiladi. Bosh qahramon o'zining savqi tabiiysiga quloq tutib, bir necha kunda millionerga aylanib ketadi. Uning moliya olamiga kirib borishi unga aql bovar qilmaydigan boylik va yo'qotishlarni olib keladi. Unda o'smirligidanoq atrofdagilar ta'sirida savdogar va birja o'yinchisi ruhiyati shakllangandi. Tashabbuskor, iqtidorli va serg'ayrat yosh yigit asta-sekin hech qanday tamoyilni tan olmaydigan, o'z hukmini o'tkazuvchi ochko'z millionerga aylanib qoladi. Ammo hayot bir tekis emas, uning uchun kutilmagan og'ir sinovlar hali oldinda edi… XIX asr Amerikasi fonida tasvirlangan bu hikoya Koupervudning oddiylikdan moliyaviy imperiya cho'qqilariga ko'tarilishi haqida hikoya qiladi. U ustaradek o'tkir aql va shafqatsiz qat'iyat bilan bozorlarni manipulyatsiya qiladi, amaldorlarni chuv tushiradi, to'siq bo'lgan har qanday odamni yo'ldan olib tashlaydi. Ammo “Sarmoyador” faqat moliyaviy havaslarning hayajonli hikoyasi emas, bu inson ruhiyatiga chuqur sho'ng'ish, shuhratparastlikning qorong'i tomonlari va nazoratsiz kuchning oqibatlarini ko'rsatib beruvchi kitobdir. Kitobda hokimiyat psixologiyasi, orzularning qisqa muddatda amalga oshishi ta'siri va insonning doimiy nazoratga intilishi haqida qimmatli fikrlarni taqdim etadi. Bu kitob sarmoyador inson fikrlash tarzi, muammolarga yechim berishi va vaziyatlarga bo'lgan munosabatini ko'rsatib beradi. Ko'proq ko'rish

700 pages. At 20 minutes a day, you'll finish it in about 35 days.