Namoz dinning ustuni

Namoz dinimiz ustuni, iymon alomati, qalb nuri, ruh quvvati, poklik ramzi va mo'minning me'rojidir. Har kuni besh mahal namoz o'qishni Alloh taolo Me'roj kechasida mo'min-musulmonlarga farz qilgan. Shuning uchun har bir muslim va muslima namozning o'qilish tartiblari, ruknlari, hukmlari va uning ijobat bo'lish shartlarini yaxshilab bilib olishlari kerak. Mazkur kitob namozni endi o'rganish niyatidagi va besh vaqt namozni kanda qilmaydigan barcha namozxon o'quvchilarga hamma tartib-qoidalarini mufassal va atroflicha bilib olishlari uchun yaqindan yordam berib, bilmaganlarini bilib amal qilishlari uchun qo'llanma bo'lib qolishiga ishonamiz.