So'fi Olloyor "Sabotul ojizin" sharhi

Mazkur nashr «Sabotul-ojizin» kitobining yuzdan orti qo'lyozma va toshbosma nusxalarini qiyosiy o'rganish natijasida yuzaga kelgan ilmiy-tanqidiy matn asosida tayyorlandi. E'tiqodiy sog'lomlik, ma'naviy poklik dasturidan dars beruvchi ushbu kitob ma'rifat va hikmat ilmiga befarq bo'lmagan barcha o'quvchilar uchun mo'ljallangan. Xalq orasida «So'fi Olloyor» nomi bilan mashhur «Sabotul-ojizin» asari Movarounnahr o'lkalarida XX asrga qadar madrasalarda darslik sifatida o'qitilgan. O'quvchilar savodxonlikning ma'lum darajasidan keyin ushbu kitob mutolaasiga kirishishgan. XX asrning 1-choragigacha esa o'rta maktabning boshlang'ich sinf o'quvchilari «Sabotul-ojizin»dan dars olishgan.