Kaligula: Absurd dramasi II (pyesalar to'plami)

Absurd so'zi mantiqsizlikni anglatadi, reallikda sodir bo'ladigan hamma voqealarda allaqanday uzviylik, mantiqan bir-birini taqozo etish bor, shu bois go'yo hamma savollarga javob bo'lishi zarurdek, odamzod yashashdan mantiq izlab charchamaydi. Absurd esa tanganing boshqa tarafi - nur borki, soya bor. Qo'lingizdagi to'plamda absurd pyesalari yig'ildi. Ular odatiy sahna asarlaridan keskin farq qiladi, mutlaqo boshqa usulda yaratiladi. Uning xotimasi an'anaviy pyesalarnikidan boshqacha va bu bizni hayajonga solib junbishga keltiradi. Bu xususiyat absurd teatrining naqadar turfa va rang-barang falsafaga o'rab-chirmalganidan dalolat beradi. Kitobning maqsadi esa bu rang-baranglikni sizga yetkazish.