Dadalar hamma narsani bilishadi

"Dadalar hamma narsani bilishadi" — kichkina qizaloqning qiziqarli va ma'rifatli savollaridan iborat bo'lgan mehr bilan to'la hikoya. Bola 3–4 yoshidan boshlab dunyoni kuzatib, undan saboq ola boshlaydi. Bu yoshda u savollarga to'lib-toshadi: "Nega osmon moviy?", "Payg'ambarlar kim?", "Muhammad (s.a.v) haqida menga aytib berasizmi?" kabi so'zlar orqali u borliqni anglashga intiladi. Qahramonimiz — bilimga chanqoq, quvnoq qizaloq. Uning savollariga esa mehribon ota-onasi sabr bilan, asosli va tushunarli javob beradi. Bu kitob nafaqat bolalarning, balki ota-onalarning ham yuragiga yo'l topadi — qanday qilib farzand tarbiyasiga ongli yondashish, uning savollariga e'tiborli bo'lish kerakligini eslatadi. Bolalarga Payg'ambarlar tarixini, Muhammad (s.a.v) hayotini tanishtirish, ularni ilmga, izlanishga oshno qilishni istagan har bir oilaga bu kitob katta yordam bo'ladi.