Yo'l harakati qoidalariga (kirilcha)

Mazkur qo'llanma “Yo'l harakati qoidalari”ni atroflicha o'rganish, yo'l-transport hodisalarining oldini olish va uni bartaraf etishda haydovchilarga sifatli bilim berish maqsadida yaratilgan bo'lib, yo'l harakati ishtirokchilarining xavfsizligini ta'minlashga yordam beradi. Mualliflar “Yo'l harakati qoidalari”ga sharhlar asosida sakkiz yuzdan ortiq bezakli rasmlar bilan murakkab yo'l harakati vaziyatlarini sodda qilib tushuntirishga harakat qilganlar. Qo'llanma malaka oshirish tinglovchilari, haydovchilar, piyodalar, haydovchilik guvohnomasi olish uchun nomzodlarga va keng o'quvchilar ommasiga mo'ljallangan. Dunyoda hech narsa mukammal bo'lmagandek, ushbu o'quv qo'llanma ham ba'zi bir kamchiliklardan holi bo'lmasligi mumkin, albatta. Shu sababli o'quv qo'llanma haqida o'z fikr va mulohazalarini bildirgan kitobxonlarga samimiy tashakkur bildiramiz.