Oziq-ovqat va ichimliklar xizmatlari

Mazkur o'quv qo'llanma Mehmonxona va turizmni boshqarish ta'lim yo'nalishi o'quv rejasida aks etgan fanlardan dars mashg'ulotlarini olib borish, mehmondo'stlik va turizm sanoatini boshqarish, uni rivojlantirish bo'yicha zarur materiallarni o'zida mujassamlashtirgan. Uning afzalligi va boshqa darsliklardan farqi shunda-ki, qo'llanmada oziq-ovqat va ichimliklar sanoati, uning maqsad va vazifalari, xaridorlarga har jihatdan sifatli xizmat ko'rsatish asoslari hamda sohada muvaffaqiyatga erishishga oid barcha zamonaviy bilimlar tahliliy aks ettirilgan. Global turizm sanoatining muhim jihatlari, ya'ni mahsulot tayyorlash, qanday oziq-ovqat va ichimliklar xarid qilish, taom tayyorlash uslublari, xodimlar madaniyati, ularning xizmat ko'rsatish sifatini oshirishdagi hissasi, xizmat taomillari, turli xalqlarga oid xizmat turlari, zamonaviy va klassik menyular, mijozlar bilan munosabat odoblari, sog'liqni saqlash va oziq-ovqat xavfsizligi bo'yicha nazariy va amaliy bilimlar umumlashtirilgan. O'quv-qo'llanma turizm yo'nalishi talabalari, turizm sanoati va mehmondo'stlik sohasi muassasalarida faoliyat yuritayotgan mutaxassis-xodimlar va shu sohaga qiziquvchilar uchun mo'ljallangan.