Bu shaharda hech kim yo'q

«Bu shaharda hech kim yo'q». Nahotki? Inson o'ziga hamdard, hamfikr, sirdosh topolmaganidan o'zini shu darajada yolg'iz, millionlab insonlar ichida hech kimi yo'qdek his etadi-ki, go'yo u uchun shahar bo'm-bo'sh, kimsasizdek tuyuladi. Shunda... Dini, yoshi, millati, dunyoqarashi tubdan farq qiladigan, saraton kasaliga yo'liqqan yosh yigit bilan suhbatdosh bo'ladi-yu, hayot aslida juda go'zal, mehrli odamlar ko'p, taqdirga e'tiroz bildirmaslik, aksincha, o'zidagi bor ne'matlarni qadrlash kerakligini, har bir ishda hikmat borligini anglab yetadi. «Bu shaharda hech kim yo'q?» Albatta, bor. Bu shahar mehribon insonlar bilan to'la. Hammaning yonida uni qadrlaydigan, yiqilsa tirgak bo'la oladigan kimdir bor. Shunchaki uni ko'ra bilish lozim. Yolg'iz, qismatidan norozi, alam-u iztirobdan qalbi isyon qilayotganlar ushbu kitobni o'qigach, go'yo kimsasiz sahrodan oqibatli, mehr-u muhabbatli insonlarga to'la shaharga tushib qolgandek his qiladi o'zini.