Moida - musulmon xalqlari taomlari

Mazkur kitob oddiy oshpazlik risolasi yoinki "musulmon oshxonasi sirlari"dangina iborat emas, bu -mo'minlar yeguliklari borasida to'laqonli yo'riqnoma-qo'llanmadir. Kitobdan ovqatlanish borasidagi Qur'oni karimda zikr etilgan suralar, payg'ambarimiz Muhammad sollallohu alayhi vasallamdan to'g'ri ovqatlanish xususidagi sahih hadislar o'rin olgan. Musulmonlarning umumiy taomlanish odoblari haqidagi ma'lumotlarda Muhammad Sodiq Qoshg'ariyning "Odob as-Solihin" kitobidan foydalanilgan. Dasturxon atrofida o'tirish, mehmon va mezbon majburiyatlari borasidagi o'gitlar Kaykovusning "Qobusnoma" kitobidan keltirilgan. Albatta, risolada Islomga e'tiqod qo'ygan turli xalqlarning foydali, to'yimli va shirin taomlari qay tarzda tayyorlanishi borasidagi ma'lumotlar mavjud. Musulmonlarga ta'qiqlangan oziq-ovqat mahsulotlari va hayvonlarni qurbonlikka keltirish xususidagi boblar ham ma'qul keladi, deya umid bildirib qolamiz.