Arab xalq ertaklari. Yetti ertak 1 (O'zbek-rus-ingliz tilida)

Aziz bolajon! Bilamizki, ertaklarda tulki doim ayyorligi, yolg'onchiligi uchun pand yeydi. Chayon va ilon yaxshilikka yomonlik qilgani uchun o'z jazosini oladi. Hayotda ham yaxshilikka yomonlik qaytarish noto'gri, xudbinlikdir. Kim yomonlik qilsa, o'ziga ham bir kun albatta yomonlik qaytadi. Yashilik qilganlarga esa, albatta yaxshilik qaytadi. Qo'lingizdagi "Yetti ertak"ning 1-kitobida ham qahramonlar yaxshilik va yomonlik, ezgulik va yovuzlik, rostgo'ylik va yolg'onchilik kabi fazilatlar va illatlar bilan gavdalanadi. Ertaklarni diqqat bilan o'qing, xulosa chiqaring. Atrofingizdagilar bilan fikrlaringizni o'rtoqlashing. Yaxshi yoki yomon xulqli qahramonlarga munosabatingizni bildiring. Sizning mustaqil fikrga ega bo'lishingizda, yaxshi insonlar bo'lib kamol topishingizda ushbu kitobdagi ertaklar ham yordamchi bo'ladi degan umiddamiz. Har hafta yangi kitob, Har kunga bitta ertak! Olmoq uchun ilm-odob, Tinmayin o'qish kerak!