Jef Bezos. Dunyoni o'zgartirayotgan tadbirkor

Kris Maknabning "Jeff Bezos: Dunyoni o'zgartirayotgan tadbirkor nomli ushbu asari hayotga qiziqishi, kelajakka intilishi bor har kim uchun! Dunyoning eng muvaffaqiyatli tadbirkorlaridan biri, "Amazon" asoschisi Jeff Bezos karyerasi yuksalishining sabab va asoslari, yorqin hamda shiddat-u tavakkalga boy faoliyati, o'zgacha tafakkur tarzi va zakosi biror o'quvchini qiziqtirmay qo'ymaydi: hayratga, saboq olishga, xulosaga undaydi, yechimlar sari ishoralar beradi. Ushbu kitob Bezos korporativ imperiyasini qurayotgan paytdagi jarayonlarni tahlil qiladi. Uning misolida olgan ta'limingiz biznesingizni boshqarishi va rivojida hal qiluvchi omil ekanini anglatadi. Mazkur tahlil bilim va intilishlari fazoni tadqiq etish darajasidagi yoshlarimizga rag'bat bersa ajab emas, shuningdek, o'zi qiziqqan biznes yo'nalishida katta kutilmalarni reja qilgan o'quvchi uchun qimmatli tajribalarni taqdim etadi. Biznesmenning shijoati epkinlarini yaqqol his qildiradigan olamshumul yutuqlarga erishish hikoyasi bir taraf-u, G'arb jamiyatidagi bizdan farqli bir ijobiy jihatni kashf etganim ikkinchi taraf bo'lib, nihoyatda ta'sirlantirdi. Mazkur jihat yo xususiyat nima edi? Umuman, ayni xislat bo'lmaganida Bezos bugungi darajaga erisharmidi?! Bu haqda batafsil to'xtalishni istamasdim, chunki mutolaa chog'ida o'zingiz amin bo'lishingiz zavqi boshqacha, shunday emasmi!