Qur'oni Karimning javohirlari va durlari

«Hujjatul Islom» Imom G'azzoliy bu asari orqali Qur'oni Karimning zohiridan ko'ra ko'proq botiniy mazmun mohiyatiga, undagi siru asrorlarga e'tiborimizni qaratadi. Bizni tafakkurga chorlaydi. Muborak Kalomullohning inson ruhiy kamolotidagi o'rnini aniq misollarda ko'rsatib beradi. Keng kitobxonlarga qulay va yana-da foydali bo'lishi uchun oyatlarning asli, o'qilishi va tarjimasi berildi. Shuningdek, barcha suralarning QR kod shakli ilova etildi. Mazkur kitobdagi sura va oyatlarni yodlashda ustozlarning nazoratidan o'tkazib olinishi maqsadga muvofiqdir. Ushbu nashr Qur'oniy bilim va tajribamiz yana-da mukammal bo'lishida yordam berishidan umidvormiz. Qur'on nuri, fayz-barakoti tilingizni, dilingizni, uyingizni tark etmasin, aziz kitobxon!