L.N.Tolstoy: Asosiy qahramonlarim – haqiqat

Ulug' rus adibi Lev Tolstoy asarlarining mazkur to'plamiga san'atkor yaratgan dilnomalar - maktublar, xotiralar - kundaliklar, "Hojimurod" qissasi va "Iqrornoma"si kiritildi. Bu asarlarni o'qib, mutafakkir adibning qalbi, ma'naviy dunyosi, betakror ijodiy qiyofasi bilan yanada yaqinroq tanishamiz. San'atkor bir umr o'z yuksak ideallarini mardona himoya qilganiga, har qanday boylik, shon-shuhrat, martabayu mukofotlardan baland tura olganiga, hech qachon e'tiqodini o'zgartirmaganiga qoyil qolamiz. Ulug' adib yaratgan ulkan hayratlar olami bilan yanada chuqur tanishish baxti muyassar bo'lganidan dilimiz quvonchga to'ladi. Tolstoyning ulug'vor qalb olami- turfa gullar, chechaklar chamanzoriga xush kelibsiz, aziz kitobxon!