Jon Ronald Ruyel Tolkin: Uzuklar hukmdori. Uzuklar birodarligi

Britaniyalik adib Jon Ronald Ruyel Tolkin (1892-1973) qalamiga mansub "Hobbit yoxud borib qaytish" romanini uzviy davomi bo'lgan "Uzuklar hukmdori" roman-epopeyasini ona tilimizga tarjima qilishdan maqsad, sehr-jodu yoki afsungarlikni targ'ib qilish emas, aksincha yoshlarning yaxshilikka, adolatga, haqiqatga, mehr-muhabbatga bo'lgan ishonchini yana-da mustahkamlash, kindik qoni to'kilgan yurt - vatanga bo'lgan muhabbatini yana-da yuksaltirishdir. Agar ushbu asarni boshidan oxirigacha o'qisangiz, unda ona yurt mustaqilligi uchun kurash, uni bosqinchilardan ozod qilish qancha mushkul va murakkab vazifa ekanligini anglaysiz. Asarni o'qigan yosh kitobxon murakkab hayotning ko'plab jihatlari, yaxshi-yomonliklari, oq-u qorasi, yovuzlik bilan ezgulik o'rtasidagi mangu kurashdan oz bo'lsa-da voqif bo'lishi, qiziqarli ma'lumotlar bilan tanishib, bilimini oshishiga shubha yo'q.