Nadomat

Asarda sayohat bahonasida Amerikaga borib, turmush taqozosi tufayli o'sha yerlarda butunlay qolishni ixtiyor etgan ikki o'zbek ayoli – Surayyo va Oishalarning taqdiri, o'y-kechinmalari, iztiroblari qalamga olingan. Kitob badiiy jihatdan puxta, voqealar tizimli, to'qima obrazlardan ham mahorat ila foydalanilgan. Mutolaa jarayonida qahramonlar Sizning ham hayotingizning bir qismiga aylanadi go'yo, ular bilan birgalikda yashay boshlaysiz, dardlashasiz, kerak bo'lsa, eng zarur ishingizni ham orqaga surib, voqealar nihoyasidan imkon qadar tezroq xabar bo'lgingiz keladi. Keling, asar intihosini ochiqlalik-da, xulosani ham o'zingizga qoldirsak. O'zbekiston Yozuvchilar uyushmasi homiyligida chop etildi.