Psixoanaliz haqida beshta ma'ruza

Zigmund Freyd psixoanaliz asoschisi sifatida mashhur. Uning ta'limoti nafaqat adabiyot va san'at, balki ruhiyat bilan bog'liq har bir sohaga jiddiy ta'sir etdi; kutilmagan qarashlari bilan insonlar ongida hali-hamon inqilob qilishdan to'xtagani yo'q... Ushbu kitob Zigmund Freydning Amerika auditoriyasida qilgan ma'ruzalari asosida tayyorlangan. Ma'lumki, Freyd fikrlarini juda murakkab shaklda ifoda qilgan. Shuning uchun uni tushunish, tushunilgan matnni tarjima qilish o'ta qiyin ish. Balki shunday mashhur olim asarlarining shu paytgacha o'zbek tiliga tarjima qilinmaganining sababi shundadir. Tarjimon ushbu kitobdagi mazmunini imkon darajada asliyatga yaqinlashtirishga harakat qilgan, ba'zi murakkab, uzun gaplarni bo'lib-bo'lib ifodalagan. Shunday bo'lsa-da, tarjimani to'kis, mukammal degan da'voda emasmiz.