Saylanma 2

Bu to'plam o'zbek nasrining zabardast namoyandalaridan biri Nazar Eshonqulning nafaqat adabiy muhitda, balki keng o'quvchilar orasida ham qizg'in bahslarga, mulohozalarga, e'tirof va inkorlarga sabab bo'lgan, o'zbek nasriga yangi nafas, yangi qarashlar olib kirgan katta janrdagi asarlaridan tashkil topgan. Adib roman va qissalarida muhit bilan ziddiyatga kelgan Shaxsning ekzistensial holatini badiiy yo'sinda muhokama qiladi. Shaxsining muhitda o'zining mavjudligini isbotlashga urinishi va oxir-oqibat muhim oldida mag'lub bo'lishi adibning dastlabki asari - an'anaviy yo'nalishda bitilgan «Urush odamlari» qissasidan tortib insonning yaralishi, uning mavjudligi, o'rni, Shaxs a'molidagi Rahmonlik va Iblislik haqida bahs qilgan «Taqiq mevasi» romanigacha qamrab olgan. Adibning ushbu kitobi san'atni nozik his qiladigan keng o'quvchilar ommasiga mo'ljallangan.