Ochlik. Biz hammamiz - Yer yuzidagi daydilarmiz

Norveg yozuvchisi, Nobel mukofoti sovrindori Knut Hamsunning "Ochlik" romanida yozuvchining Xristianiya (hozirgi Oslo)da ochlik va muhtojlikda o'tgan yoshlik yillarining dahshatli manzaralari ko'rsatilgan. O'sha mash'um yillarda Hamsun o'z boshidan kechirgan, o'zi shohid bo'lgan odamlar o'rtasidagi sovuq munosabatlarni roman sahifalariga to'la-to'kis olib o'tgan. Mazkur roman odamlarning fe'l-atvori va hayotiy muammolarini o'z sahifalarida shunday mohirona yoritganki, bu yigirmanchi asr adabiyotiga xos bo'lgan yuksak xususiyat edi. Aytish mumkinki, "Ochlik" Knut Hamsunga shon-shuhrat olib keldi va uni Yevropaning eng yirik hamda iste'dodli yozuvchisi sifatida butun jahonga tanitdi.